museumstampariastrada BUCHDRUCK-MUSEUM STAMPARIA STRADA

Las parts dal museum

Il tema principal fuorma l’art da stampar. Üna rischla da tablas visualas documentescha l’istorgia da quella a partir da l’inventaziun da Gutenberg (1450) fin pro l’avertüra da las prümas stamparias istoricas illa Republica da las Trais Lias.

Stampas veglias da Biblas
In nos museum pudaina admirar ils originals da las prümas traducziuns da la Bibla cumpletta in rumantsch vallader (1679) ed in sursilvan (1718), traducziuns parzialas da Biblas, sco eir commentars teologics dad auturs engiadinais. Il toc da parada fuorma ün exemplar in stampa facsimila da la Bibla da Gutenberg in 42 lingias.

Tecnica da stampar
In quist sectur dal museum chattaina tanter oter l’indriz per cular custabs inventà da Gutenberg, üna collecziun cumpletta da material da cumposiziun, sco eir üna maschina da cumposiziun automatica “Linotype”, ün’inventaziun our da la mità dal 19 avel tschientiner. Nossa pressa a man es ün duplicat da l’original chi’d es gnü dovrà a partir dal 1650 a Scuol, davo a Tschlin ed a Strada, ed es l’unic exemplar avantman in Grischun. Oters urdegns documenteschan il svilup da la tecnica dal stampar, sco üna pressa mecanica a schnuogl (1850), plüssas pressas mecanicas ed automaticas Tiegel sco eir üna maschina da stampar cudeschs (1900), in tudais-ch “Buchdruck-Schnellpresse”

Nossa musica
La musica populara es fich inragischada illa cultura rumantscha. Ella ha üna stretta relaziun cullas famiglias dals stampaduors Janett e Scharplatz. Fingià ün dals prüms cudeschs stampà a Tschlin, la Filomela, es muni cun notas. L’exposiziun cumpiglia plüss instrumaints da musica populara, üna tscherna da fotografias da musicants e da chapellas originalas da nossa regiun, sco eir plüss exemplars scrits a man da quaderns cun notas e text da chanzuns popularas rumantschas.

Cultura d’abitar
Quist sectur dal museum illustrescha la tradiziun culturala our dal temp d’operusità da las famiglias da stampaduors Janett e Scharplatz.


				Las parts dal museum Il tema principal fuorma l’art da stampar. Üna rischla da tablas visualas documentescha l’istorgia da quella a partir da l’inventaziun da Gutenberg (1450) fin pro l’avertüra da las prümas stamparias istoricas illa Republica da las Trais Lias. Stampas veglias da Biblas In nos museum pudaina admirar ils originals da las prümas traducziuns da la Bibla cumpletta in rumantsch vallader (1679) ed in sursilvan (1718), traducziuns parzialas da Biblas, sco eir commentars teologics dad auturs engiadinais. Il toc da parada fuorma ün exemplar in stampa facsimila da la Bibla da Gutenberg in 42 lingias. Tecnica da stampar In quist sectur dal museum chattaina tanter oter l’indriz per cular custabs inventà da Gutenberg, üna collecziun cumpletta da material da cumposiziun, sco eir üna maschina da cumposiziun automatica “Linotype”, ün’inventaziun our da la mità dal 19 avel tschientiner. Nossa pressa a man es ün duplicat da l’original chi’d es gnü dovrà a partir dal 1650 a Scuol, davo a Tschlin ed a Strada, ed es l’unic exemplar avantman in Grischun. Oters urdegns documenteschan il svilup da la tecnica dal stampar, sco üna pressa mecanica a schnuogl (1850), plüssas pressas mecanicas ed automaticas Tiegel sco eir üna maschina da stampar cudeschs (1900), in tudais-ch “Buchdruck-Schnellpresse” Nossa musica La musica populara es fich inragischada illa cultura rumantscha. Ella ha üna stretta relaziun cullas famiglias dals stampaduors Janett e Scharplatz. Fingià ün dals prüms cudeschs stampà a Tschlin, la Filomela, es muni cun notas. L’exposiziun cumpiglia plüss instrumaints da musica populara, üna tscherna da fotografias da musicants e da chapellas originalas da nossa regiun, sco eir plüss exemplars scrits a man da quaderns cun notas e text da chanzuns popularas rumantschas. Cultura d’abitar Quist sectur dal museum illustrescha la tradiziun culturala our dal temp d’operusità da las famiglias da stampaduors Janett e Scharplatz.